Almatyda bıýdjet qarajaty 94%-ǵa ıgerildi

ALMATY. QazAqparat – Almatyda bıýdjet qarajaty 94%-ǵa ıgerildi. Bul týraly onlaın brıfıng barysynda Almaty qalasy Memlekettik aktıvter basqarmasynyń basshysy Serik Ibraev málim etti, dep habarlaıdy QazAqparat tilshisi.

Basqarma basshysy keltirgen derekterge súıensek, 2021 jyldyń 1 shildesine basqarma bıýdjeti boıynsha jospar 314,2 mln teńge bolǵan, onyń 295,3 mln teńgesi nemese 94% ıgerildi.

«Igerilmegen soma 18,9 mln teńge, onyń ishinde 8,9 mln teńge senimgerlik basqarýshynyń mindettemesin oryndaýdy baǵalaý boıynsha konkýrs rásimderi júrgizilýde, 10 mln teńge memlekettik satyp alý boıynsha únemdeldi», - dedi spıker.

Bıýdjet baǵdarlamalary ákimshileri jáne olardyń vedomstvolyq baǵynystaǵy uıymdar 2021 jyly 538,1 mlrd teńge somasyna 114 538 satyp alýdy ótkizý kózdelgen.

Memlekettik satyp alýdy biryńǵaı uıymdastyrýshy 2021 jyldyń І jartyjyldyǵynda jalpy somasy 239,6 mlrd teńgege 434 baıqaý jarııalaǵan.

«Atalǵan baıqaý jumystaryna toqtalsam, 186,4 mlrd teńge somasyna 274 konkýrs ótkizildi, taýarlar boıynsha 8,1 mlrd teńge somasyna 14 konkýrs, qyzmetter boıynsha 45,1 mlrd teńge somasyna 146 konkýrs ótti. Ótkizilgen satyp alýlardan únem 14,5 mlrd teńge», - dedi Serik Ibraev.

Sondaı-aq ol 1 jartyjyldyqta «Qarapaıym zattar ekonomıkasy» baǵdarlamasy boıynsha Almaty qalasy boıynsha jergilikti qamtý úlesi 42% quraǵanyn jetkizdi.

«Qarapaıym zattar ekonomıkasynyń taýarlaryn satyp alýǵa 8 sala boıynsha 35 mlrd teńge bólindi, onyń 11 mlrd teńgesi ıgerildi. Jetekshi oryndy tamaq ónerkásibi alady - 69%. Eń az paıyz mashına qurylysy salasynda - 16%», - dedi basqarma basshysy.