Almatyda bıyl elektrli samokat qoldanýshylary bes ese kóbeıgen

ALMATY. QazAqparat – Almatyda bıyl elektrli samokat qoldanýshylarynyń sany bes ese ósti. Bul týraly brıfıng barysynda «Jet Sharing» JShS dırektory Meırambek Ábelqasov málim etti, dep habarlaıdy QazAqparat tilshisi.

Meırambek Ábelqasovtyń aıtýynsha, jyl basynan beri samokattardyń ushyraýymen 33 jol-kólik oqıǵasy tirkeldi.

«33 jol apatynda zardap shekken 14 adamǵa saqtandyrý aqysy tólendi. Bıyl mundaı jol-kólik oqıǵasy jıileginin kórip otyrmyz. Alaıda, samokatty qoldanýshylar sany 5 ese óskenin eskersek, onda jol-kólik oqıǵasy az bolyp shyǵady. Adamdar samokatqa úırenip qaldy, ony qalaı qoldaný kerektigin bilip jatyr. Jol-kólik oqıǵalary negizinen jol boıyndaǵy avtokóliktermen bolyp jatyr», - dedi spıker.

Buǵan deıin Almaty qalasynyń ákimdigi men elektrli samokattardy jalǵa beretin operatorlar megapolıste qural qoldanysyn retteý maqsatynda yntamaqtastyq pen ózara túsinistik týraly memorandýmǵa qol qoıǵany týraly jazǵan edik.

Memorandým aıasynda elektrli samokattarmen jaıaý júrginshiler jolaǵynda, saıabaqtarda jáne buqaralyq is-sharalar ótetin qoǵamdyq oryndarda júrýge tyıym salynady.

Qala aýmaǵynda elektrli samokattardyń jyldamdyǵy – 25 km/saǵ bolyp bekitildi.

Sondaı-aq, elektrli samokattardy tek 16 jasqa tolǵan tulǵalar ǵana jalǵa ala alady.