Almatyda birqatar óndiristik tseh modernızatsııadan ótti

ALMATY. QazAqparat – Qala ákimi Baqytjan Saǵyntaevtyń bastamasymen «Maslo-Del» JShS, «Papırone» JShS, «Dor-Han-Almaty» JShS, «Solnechnyı sút zaýyty» JShS tsehtary modernızatsııadan ótti, dep habarlaıdy QazAqparat tilshisi.

«Maslo-Del» JShS jumys istep turǵan óndirisin keńeıtýdi qolǵa aldy. Túrli soýs, maıonez, ketchýp shyǵaratyn tseh pen ósimdik maıyn quıatyn qoıma kesheniniń qurylys jumystary aıaqtaldy. Osylaısha, kásiporynnyń qýat y jylyna 10 myń tonnadan 30 myń tonna ónimge deıin artady.

Sonymen qatar, «Solnechnyı» sút zaýytyn jańartý protsesi jáne ónim assortımentin kóbetý úshin qosymsha quraldar satyp aldy.

«Úsh qabatty dárethana qaǵazyn, qaǵaz súlgileri men maılyq shyǵaratyn «Papıron» JShS, metall óńdeý, jyljymaly qorshaý konstrýktsııalaryn, avtomatty qaqpalar men japqyshtar óndiretin «Dor-han-Almaty» JShS jáne «Solnechnyı» sút zaýyty ónim túrlerin kóbeıtip, óndiristi keńeıtý úshin qosymsha jabdyqtar satyp aldy» dep habarlady ákimdikten.

Óndiristik tseh salý jáne keńeıtý jumystary «Almaty-2050» strategııasynyń «Shetsiz qala» baǵyty aıasynda qalada polıortalyqty damytý maqsatynda oryndaldy.

Ár aýdanda biregeı múmkindikter jáne damyǵan óndiristik salalar bolady, sol úshin jańa nysandar salynbaq.

Jańa óndiris oryndary ishki naryqty otandyq taýarlarmen qamtamasyz etedi. Osylaısha, túrli salalar boıynsha otandyq ónim óndiris kóleminiń keńeıýi kútilýde. Bul ımportty almastyrýǵa ǵana emes, sonymen birge eksporttyq áleýettiń keńeıýine de yqpal etpek.

Jalpy, Almatyda ónerkásipti damytý, otandyq taýar óndirýshilerdi qoldaý jáne bıznes úshin qolaıly orta jasaý boıynsha belsendi jumys júrgizilýde.