Almatyda «Bilim, ǵylym jáne óndiristiń ıntegratsııasy» atty konferentsııa ótti

ALMATY. QazAqparat - Almatydaǵy Qazaqstan ınjenerlik-tehnologııalyq ýnıversıtetinde «Bilim, ǵylym jáne óndiristiń ıntegratsııasy: ózekti máseleler, jetistikter men ınnovatsııalar» taqyrybynda halyqaralyq ǵylymı-tájirıbelik konferentsııa ótti. Sharaǵa Túrkııa, Reseı, Kanada, Tájikstan, Qyrǵyzstan, Ózbekstan elderinin ǵalymdary qatysty, dep habarlaıdy QazAqparat tilshisi.

Halyqaralyq ǵalymdar bas qosqan ǵylymı jıynda bilim, ǵylym jáne óndiristiń ıntegratsııasyn talqylandy. Mıkrobıologııa jetistikteri, elimizdegi jemis-kókónis sharýashylyǵy salasynyń jaı-kúıi jáne ózge de ózekti taqyryptar qamtyldy.

Mıkrobıologııa jáne vırýsologııa ǵylymı-óndiristik ortalyǵy» JShS Bas dırektory Amankeldi Sadanov búgingi tájirıbedegi mıkrobıologııanyń jetistikterine baıandama jasady.

«Respýblıkada alǵash ret aýyl sharýashylyǵyna, qorshaǵan ortany qorǵaýǵa, medıtsına men veterınarııaǵa arnalǵan 8 ataýdaǵy jańa otandyq bıopreparattardyń tehnologııalary ázirlendi jáne óndirisi uıymdastyryldy, olardyń iske asyrylýy jyl saıyn 40-50 tonnany quraıdy», - dedi Amankeldi Sadanov.

Respýblıkada munaı ónerkásibi joǵary qarqynmen damýda, óndiris oryndaryndaǵy qorshaǵan ortanyń lastaný problemasy óte ótkir. Osyǵan baılanysty tez jáne bilikti sheshimdi, onyń ishinde bıologııalyq ádisterdi qajet etetin osy qosylystardy belsendi túrde ydyratatyn bıologııalyq ónimderdi jasaý mańyzdy mindet ekendigine toqtalǵan Amankeldi Sadanov Ortalyq qyzmetkerleri topyraqty, sý aıdyndaryn jáne ónerkásiptik sarqyndy sýlardy munaıdan lastanýdan mıkrobıologııalyq tazartýǵa arnalǵan «Bakoıl-KZ» serııasynyń tıimdiligi joǵary bakterııalyq preparatyn jasaǵanyn aıtty.

Sonymen qatar, halyqaralyq ǵalymdardyń basyn qosqan bul ǵylymı sharada tamaq ónimderin qaıta óńdeý jáne tamaq qaýipsizdigi týraly sóz qozǵaldy.

Halyqaralyq konferentsııa barysynda Qazaqstan ınjenerlik-tehnologııalyq ýnıversıtetiniń rektory Gúlnar Sarsenbekova Qazaqstan Respýblıkasynyń Prezıdenti Qasym-Jomart Toqaevtyń ekonomıkadaǵy ınnovatsııalyq ózgeristerdi jandandyrý jónindegi saıasaty Qazaqstannyń joǵary mektebiniń aldyna elıtaly kadrlar daıarlaý mindetin qoıǵanyn, dál osyndaı ınjener-mamandardy daıarlaýǵa Qazaqstan ınjenerlik-tehnologııalyq ýnıversıtetiniń barlyq qyzmeti baǵyttalǵanyn atap ótti.

«2020 jyly Qazaqstan ınjenerlik-tehnologııalyq ýnıversıtetiniń damý baǵdarlamasy, ıaǵnı irgeli bilim berýdiń rólin kúsheıtý, «ǵylym arqyly oqytý» qaǵıdatyn iske asyrý, bilim berý aqparattyq tehnologııalaryn engizý, oqý úderisi barysynda «jumsaq daǵdylardy» (soft skills) qalyptastyrý arqyly naryqqa beıimdelgen ınnovatsııalyq mamandardy daıarlaýdy kózdeıtin, JOO-ny kásipkerlik úlgidegi ýnıversıtetke transformatsııalaý baǵdarlamasy qabyldandy», - dep atady Gúlnár Sársenbekova.

Bul ǵylymı jıyn jas ǵalymdardyń shyǵarmashylyq belsendiligin damytý, olardy qazirgi ǵylymnyń ózekti máselelerin sheshýge tartý, bolashaqta olardyń óz jobalaryn tanystyrýyna, óz talanttaryn tıisti aýdıtorııaǵa jetkizýine múmkindik berý, biryńǵaı ǵylymı-bilim berý keńistigin saqtaý jáne damytý, bolashaq áriptester arasynda baılanys ornatýdy maqsat etedi.