Almatyda belgisiz bireýler eldiń kózinshe kisi urlamaq boldy

ALMATY.QazAqparat – Almaty polıtsııasy er adamdy kúshpen kólikke mingizip áketpekshi bolǵandar týraly vıdeoǵa túsinik berdi, dep habarlaıdy QazAqparat.

Áleýmettik jelide taraǵan vıdeo avtorynyń sózinshe, oqıǵa Gagarın – Sátbaev kósheleriniń qıylysynda boldy. Onda belgisiz bireýler eldiń kózinshe er adamdy kólikke kúshtep mingizýge tyrysyp jatqanyn kórýge bolady.

«Vıdeo boıynsha tekseris júrgizildi. Anyqtalǵandaı, Almaty qalasynyń turǵyny – K. esimdi 51 jastaǵy azamat ózin aldap, aqshasyn ıemdenip ketken er adamdy ustaýǵa tyrysqan. Ol bul jóninde polıtsııaǵa bıylǵy 10 maýsymda aryz jazǵan bolatyn.

Belgili bolǵandaı, keshe keshke K. esimdi azamat kúdiktini kezdestirip qalyp, ony ustaýǵa tyrysqan. Alaıda, ol qashyp ketken.

Basqa jaǵdaılar anyqtalyp jatyr», - dep habarlady polıtsııadan.