Almatyda «Baısat» bazary aýmaǵynan órt shyqty

ALMATY. QazAqparat - Almatyda «Baısat» bazarynda konteınerler órtendi, dep habarlaıdy QazAqparat tilshisi.

Almatyda «Baısat» bazarynda ornalasqan konteınerler arasynda tilsiz jaýmen kúresip júrgen órt sóndirýshilerdiń vıdeosy jelide jarııalandy.

Postta «Baısat» bazaryndaǵy konteınerler órtengeni jazylǵan.

Almaty qalalyq tótenshe jaǵdaılar departamenti jalyn saǵat 14: 50-de aýyzdyqtalyp, sóndirilgenin habarlady.

Órttiń shyǵý sebebi, zardaby týraly qosymsha habarlanady.

Eske salaıyq, jaqynda Almatyda «baraholka» bazary mańynda órt shyqqan bolatyn, sondaı-aq, «Barlyq» bazary aýmaǵynda ornalasqan fastfýd dúńgirshekteri de órtengen.