Almatyda bas shyrshanyń shamdary jaǵyldy
Negizgi shara 22 metrlik shyrsha ornatylǵan «Abaı» alańynda ótti. Saltanatty rásimge Jańa jyldyń ertegi keıipkerleri – Aıaz Ata men Aqshaqar qatysty.
Jańa jyldyń basty sımvolynyń bıiktigi –22 metr. Bas shyrsha jaryqdıod gırlıandalarmen jáne jańajyldyq 350 oıynshyqpen bezendirilgen.
Estrada juldyzdary qatysqan bul shara qala boıynsha jańajyldyq is-sharalardy bastaýǵa múmkindik berdi.
Qalanyń bas shyrshasymen bir mezette barlyq aýdanda ornatylǵan shyrsha shamdary jandy. Almatylyqtar men qala qonaqtary úshin qysqy festıval formatynda taqyryptyq jańa jyldyq is-sharalar usynylady.
Festıval aıasynda 15 kún boıy qazaqstandyq ónim óndirýshilerdiń syılyq jármeńkeleri ótedi, gastroaımaqtar, sheberlik synyptary, konkýrstar, keshki kıno kórsetilimderi jáne basqa da is-sharalar uıymdastyrylady.
Ár lokatsııanyń túrli jas toptaryna baǵyttalǵan ózindik erekshe baǵdarlamalar bolady.
Foto: Almaty ákimdiginiń baspasóz qyzmeti
