Almatyda «baraholka» mańynda órt shyqty
Almaty qalalyq tótenshe jaǵdaılar departamentiniń málimetinshe, 12 tamyz tańyǵy saǵat 07:16 shamasynda órt sóndirýshiler Jetisý aýdany Moskın, 7V mekenjaıyna joǵary dárejedegi shaqyrtýǵa shyqty.
Oqıǵa ornynda jedel shtab qurylyp, birneshe órt sóndirý ýchaskesi quryldy.
Órt sóndirýshiler angar tıpti otqa oranǵan qoımalardy sóndirip jatyr.
«Qoımalardyń qabyrǵalary metalldan jasalǵan, joǵary temperatýra saldarynan qurylymdardyń qulaý qaýpi bar . Órt sóndirýshiler qaýipsizdik tehnıkasyn saqtaı otyryp jumys isteýde, Moskın kóshesi, 7a mekenjaıynda kórshi qoımalardy sóndirýge jáne qorǵaýǵa oqpandar engizildi»,- dep habarlady vedomstvodan.
Órtti sóndirýge 25 tehnıka, 85 adam jáne qalanyń ózara is-qımyl qyzmeti jumyldyryldy.
Qaza tapqandar men zardap shekkender joq.
