Almatyda baraholka bazarynan taǵy órt shyqty
Oqıǵanyń vıdeosy jelige shyqty.
Almaty qalalyq TJD málimeti boıynsha 26 tamyz saǵat 08:37-de órt sóndirildi. Órt sóndirýshiler Jetisý aýdany, «Almaly» bazaryndaǵy janyp jatqan konteınerlerdegi órtti sóndirdi. Órtengen aýmaq 80 sharshy metr boldy.
«Qabyldanǵan sharalardyń arqasynda órttiń jaqyn mańdaǵy taýarlyq-materıaldyq qundylyqtary bar saýda qatarlaryna taralýyna jol berilgen joq. Qurbandar men zardap shekkender bolǵan joq», - dep habarlady qalalyq TJD baspasóz qyzmeti.
Polıtsııa qyzmetkerleri órt bolǵan jerdi jedel qorshaýǵa aldy.
Eske salaıyq, buǵan deıin «Baısat» bazarynda konteınerler órtengen bolatyn.
Sondaı - aq, 12 tamyzda «baraholka» aımaǵynan órt shyqqan edi. Moskvın kóshesindegi qoımalar (keńse, uıaly telefon kerek-jaraqtary) órtendi. Órtti 120 adam sóndirdi.
