Almatyda bank menedjeri klıenttiń shotynan 14 mln teńge alyp ketken
Іs materıaldaryna sáıkes, byltyr áıel adam bank fılıalyna shot ashýǵa ótinish bergen.
Bank menedjeri klıentpen 6 aı merzimge depozıt ashýǵa kelisimshart jasasqan. Shotqa salymshy 13,9 mln teńge salǵan.
Klıent bank menedjerine Reseıge ketetini týraly aıtqan. Reseıde júrgende de áıel depozıtinen aqsha almaǵan, qarjysy týraly bilmegen, óz atyna tólem kartasyn ashý týraly ótinish te bildirmegen.
Osy sátti paıdalanyp bank menedjeri azamatshanyń atyna tólem kartasyn ashyp, klıenttiń biregeı nómirin tirkep alǵan.
«SMS-Bankıng» qyzmetin óz telefonyna tirkep alǵan. Onlaın bankıng arqyly 13 980 579 teńgeni birneshe aı boıy birtindep alyp otyrǵan.
Sot bank qyzmetkerin urlyq jasaǵany úshin aıypty dep taýyp, 5 jyl 5 aıǵa bas bostandyǵynan aıyrý týraly úkim shyǵardy.
Aıta ketý kerek, salymshynyń urlanǵan aqshasyn banktiń ózi qaıtaryp berdi.
Sot eks-menedjerdi 11 mln teńge kólemindegi qarjyny bankke 2 aıda qaıtaryp berýge májbúrledi.
