Almatyda balabaqshaǵa qabyldaý naýqany bastaldy
Qala ákimdiginiń málimetinshe, memlekettik mektepke deıingi uıymdarǵa eń aldymen kezekten tys (jeńildikpen) jáne birinshi kezektegi (kezegi kelgender) balalar qabyldanady.
16-18 mamyr aralyǵynda 2021, 2020, 2019, 2018 jyly týǵan balalarǵa arnalǵan arnaıy (túzetý) mektepke deıingi uıymdarǵa oryndar qoljetimdi bolady. Ózgeler úshin bos (qalǵan) oryndar 19 mamyr saǵat 6:57-de ashylady.
Oryndardy tolyqtyrý kezinde birinshi kezektegilerdiń telefon nómirine kezektiń kelgeni týraly habarlama jiberiledi.
«Habarlama alǵan ata-ananyń nemese qamqorshynyń balabaqshaǵa joldama alý úshin úsh jumys kúni bar. Alynǵan joldamany mektepke deıingi uıymǵa bes jumys kúni ishinde usyný qajet. Osy ýaqyttan keıin joldama joıylady. Bul rette balanyń kezegi toqtatý paraǵyna 10 kúnde barady, onda ol bos oryndardy bólýge qatysa almaıdy. 10 kúnnen keıin balanyń kezegi qalpyna keledi», - dep habarlady Almaty qalasy ákimdiginiń baspasóz qyzmeti.
Aıta keterligi, oryndardy bólý protsesi tolyǵymen avtomattandyrylǵan.
Ári qaraı jalpy úlgidegi memlekettik balabaqshalarǵa jınaqtaý bastalady:
- Birinshi kezeń 2021 jyly týǵan balalarǵa - 22 mamyrda mektepke deıingi uıymdarǵa oryndar qosylady. Kezegi kelgen balalarǵa bul oryndar 23-25 mamyr aralyǵynda saǵat 7:00-den bastap qoljetimdi bolady. Bos oryndar (qalǵan) barlyǵyna 26 mamyrda saǵat 6:57-de shyǵady.
- Ekinshi kezeń 2021 jyly týǵan balalarǵa - 12 maýsymda mektepke deıingi uıymdarǵa oryndar qosylady. Kezegi kelgen balalarǵa bul oryndar 13-15 maýsym aralyǵynda saǵat 7:00-den bastap qoljetimdi bolady. Bos oryndar (qalǵan) barlyǵyna 16 maýsymda saǵat 6:57-den shyǵady.
- Birinshi kezeń 2020 jyly týǵan balalarǵa - 29 mamyrda mektepke deıingi uıymdarǵa oryndar qosylady. Kezegi kelgen balalarǵa bul oryndar 30 mamyr men 1 maýsym aralyǵynda saǵat 7:00-den bastap qoljetimdi bolady. Bos oryndar (qalǵan) oryndar barlyǵyna 2 maýsymda saǵat 6:57-de shyǵady.
- Ekinshi kezeń 2020 jyly týǵan balalarǵa - 19 maýsymda mektepke deıingi uıymdarǵa oryndar qosylady. Kezegi kelgen balalarǵa bul oryndar 20-22 maýsym aralyǵynda saǵat 7:00-den bastap qoljetimdi bolady. Bos oryndar (qalǵan) oryndar barlyǵyna 23 maýsymda saǵat 6:57-den bastap shyǵady. 5 maýsymda 2019, 2018 jyly týǵan balalarǵa arnalǵan oryndar qosylady. Kezegi jaqyndaǵan balalarǵa bul oryndar 6-8 maýsym aralyǵynda saǵat 7:00-den bastap qoljetimdi bolady. Bos oryndar (qalǵan) oryndar 9 maýsymda saǵat 6:57-den bastap ashylady.
«Osylaısha, mektepke deıingi uıymdar dúısenbide bos oryndardy ornalastyrady. Seısenbi, sársenbi jáne beısenbide olar kezekten tys jáne birinshi kezektegi balalarǵa qoljetimdi bolady. Juma kúni saǵat 6:57-den bastap qalǵan bos oryndar barlyq kezektegilerge qoljetimdi bolady. Balabaqshalarǵa joldamasy bar balalardy qabyldaý mektep aldyndaǵy toptan shyqqan kezde júzege asyrylady, sebebi mektepke deıingi mekemeler qyzmetiniń úlgilik erejelerine sáıkes, mektepke deıingi toptardyń balalary 1 tamyzǵa deıin balabaqshalarǵa bara alady», - delingen ákimdik habarlamasynda.
