Almatyda bala quqyǵyn qorǵaýǵa arnalǵan II Ortalyqazııalyq ǵylymı-tájirıbelik konferentsııa óz jumysyn bastady
dep habarlaıdy QazAqparat.
Atalmysh shara balanyń quqyqtary týraly Konventsııanyń 20 jyldyǵyn atap ótý maqsatynda ótýde. Konferentsııany Child Helpline International uıymy, Almaty qalasy balalardyń quqyqtaryn qorǵaý departamenti men «Qazaqstan daǵdarys ortalyqtary odaǵy» ZTB jáne «Balalardy qorǵaý jáne otbasyn qoldaý» qory, Qazaqstan Respýblıkasy Mádenıet jáne aqparat mınıstrliginiń qoldaýymen ótkizýde.
Bıylǵy jyly qarasha aıynyń 20-sy kúni búkil álem BUU-nyń Balanyń quqyqtary týraly Konventsııaǵa qol qoıylǵandyǵyna 20 jyl, elimiz ony ratıfıkatsııalaǵandyǵyna 15 jyl tolady. Bul kún BUU Bas Assambleıasynyń 1959 jyly Balanyń quqyqtary týraly Deklaratsııany qabyldaǵan kúnimen tuspa-tus kelip otyr.
«Qazaqstan daǵdarys ortalyǵy odaǵynyń» basqarma tóraıymy Zúlfııa Baısaqovanyń aıtýynsha, balalar Almaty qalasynda táýligine 24 saǵat boıy eki tilde, eki telefon jelisinde anonımdi jáne qupııaly túrde atalǵan qyzmetti paıdalaný múmkindigine qol jetkizdi. Bir jyldyq qyzmet aıasynda jastar men balalarǵa arnalǵan №150 Ulttyq senim telefonyna 20164 qońyraý shalynǵan, onyń ishinde 40 paıyzy balalardan túsken.
«Qoǵamnyń problemalary eń aldymen otbasy men balalarǵa áserin tıgizedi. Búgingi kúni Qazaqstanda 5 mıllıondaı bala turady, onyń 2 mıllıonǵa jýyǵy mektep jasyna deıingi balalar, 2,5 mıllıonnan astamy mektep oqýshylary, 500 myńnan astamy oqýshy jastar bolyp tabylady. Qazirgi kezde respýblıkada 20 myńnan astam devıanttyq minez-qulyqty balalar anyqtaldy, 16 myńdaı jetim balalar men ata-anasynyń qamqorlyǵynsyz qalǵan balalar tolyq memlekettiń qamtamasyz etýinde bolyp tabylady. 34 myńnan astam balalar qajetti tárbıe men bilim ala almaı, áleýmettik qolaısyz jaǵdaılarda tárbıelenýde. 2009 jyly jasóspirimdermen jasalǵan 3 myńnan astam qylmystar tirkeldi. Jyl saıyn spırttik ishimdikter qoldanǵany úshin 20 myńdaı kámeletke tolmaǵandar polıtsııaǵa jetkiziledi», deıdi Z. Baısaqova.
Konferentsııada Ortalyq Azııa respýblıkalary men Reseıde balalardy qorǵaý salasynda memlekettik saıasattyń júzege asyrylýyn saralaý, balalarǵa zorlyq-zombylyq kórsetý, meıirimsizdik tanytýdyń aldyn alý, saqtandyrý jáne balalardy keıingi kezektegi ońaltý salasyndaǵy aldyńǵy qatarly ozyq tájirıbeni jınaqtaý, balalardyń quqyqtaryn qorǵaý qyzmetin uıymdastyrý tetikteri men normatıvti-quqyqtyq bazany jetildirý jóninde usynystar daıyndaý mindetteri qoıylyp, bala quqyǵyna baılanysty ózekti máseleler talqylandy.
