Almatyda áskerı kıim kıgen alaıaq izdestirilip jatyr

ALMATY. QazAqparat – Almatyda polıtsııa áskerı qyzmetshiniń kıim kıip alyp, eldi aldap júrgen adamdy izdestirip jatyr, dep habarlaıdy Polisia.kz.

Almaty qalasy Naýryzbaı aýdandyq Polıtsııa basqarmasy áskerı qyzmetshilerdiń atyn jamylyp, alaıaqtyq jasap júrgen adam týraly eskertti.

Quqyq buzýshy aldymen óziniń jumys babymen ózge qalaǵa aýysqaly jatqanyn aıtyp, túrli turmystyq tehnıka men zattaryn satatyny týraly jarnama beredi. Satyp alýshylar tabylǵanda olarǵa satylatyn zattardyń aqshasyn tolyq aýdartady. Kúdik týdyrmaý úshin ol zattardy satyp alýshyǵa óziniń áskerı kımimen túsken sýreti men qujattaryn jiberedi.

«Atalǵan alaıaqqa aldanyp qalǵandar sany tek Almatynyń ózinde 10 adamdy qurap otyr», – dedi Almaty qalasy Naýryzbaı aýdandyq Polıtsııa basqarmasynyń bastyǵy Danııar Meńdebaev.

Foto: polisia.kz