Almatyda asqazanynan paket tabylǵan qar barysy ólip qaldy
Almaty qalalyq zoobaqtyń málimetinshe, 8 jeltoqsan kúni Іle-Alataý ulttyq saıabaǵynyń aýmaǵynan álsiregen qar barysy tabylǵan.
Onyń jaǵdaıy múshkil bolyp, qatty azyp, aryqtaǵan. Ózine jaqyndaǵan tehnıkanyń daýysyna da mán bermegen.
Janýardy kezdestirgen saıabaq qyzmetkerleri dereý mamandarǵa habar bergen.
Qar barysy kezdesken aýmaqqa Іle-Alataý ulttyq parkiniń mamandary, Zoologııa ınstıtýtynyń qyzmetkerleri, Almaty haıýanattar baǵynyń veterınarlary arnaıy barǵan.
«Janýardyń jaǵdaıy óte aýyr ekeni belgili boldy. Sol jerde kómek kórsetý múmkin bolmaǵandyqtan, dál dıagnoz qoıý úshin janýardyń denesinen zertteýge qajetti jaǵyndylar (PTR synaǵy úshin) jáne qan synamalary alyndy. Mamandar álsiregen janýardy Almaty zoobaǵyna jetkizý týraly sheshim qabyldady. Ókinishke qaraı, janýar asa aýyr jaǵdaıda bolǵandyqtan, haıýanattar baǵyna jetkizigen soń, barys ólip qaldy. Barysqa Іle Alatý ulttyq parki, Zoologııa ınstıtýty jáne Qazaq ulttyq agrarlyq zertteý ýnıversıtetindegi áriptestermen birge patologııalyq-anatomııalyq saraptama jasaldy. Qatty álsirep sharshaýmen qosa, janýardyń asqazanynan gelmıntterdiń kóptigi, polıetılen paketi tabyldy. Jasy ulǵaıǵan barystyń tisteri tozyp, ań aýlaı almaı qalǵan. Jabaıy tabıǵattyń, Alataýdyń kórki bolyp júrgen barys ólip qaldy. Ony qutqarý úshin qoldan kelgendi jasaýǵa tyrystyq. Biraq bári kesh boldy», - delinedi zoobaqtyń habarlamasynda.
Almaty zoobaǵy osy oqıǵadan sabaq alyp, qorshaǵan ortaǵa, tabıǵatqa qamqorlyq jasaýǵa shaqyrdy.
«Tabıǵat aıasyna shyqqanda adamdar aınalany lastap, qoqys tastamaý kerek. Ásirese, túrli taǵamdardyń ıisi sińgen polıetılen paketter janýarlar úshin óte qaýipti. Janýarlarǵa qamqor bolyp, olardy qutqarý – barshanyń mindeti men jaýapkershiligi. Biz birge ǵana tabıǵatty saqtaı alamyz», - dep habarlady zoobaq.
Foto: instagram.com/almatyzoo