Almatyda áleýmettik óner ortalyǵy ashyldy
Qala ákimi Baqytjan Saǵyntaevtyń tapsyrmasy boıynsha balalar men jasóspirimderdi jan-jaqty damytý úshin megapolıste qosymsha bilim berý júıesi iske qosyldy.
Sondaı-aq Almatyda memlekettik shyǵarmashylyq tapsyrysty jan basyna normatıvtik qarjylandyrý jobasy iske qosylady. Bul 4 jastan 17 jasqa deıingi balalarǵa sporttyq sektsııalar men shyǵarmashylyq úıirmelerge tegin qatysýǵa múmkindik beredi.
Astana kúnine oraı Medeý aýdany Qonaev kóshesi, 25 mekenjaıynda «Jas talant» áleýmettik óner ortalyǵynyń saltanatty ashylýy ótti.
Jańa bilim ortalyǵy kúnine 30 balany qabyldaıdy.
Jobany júzege asyrý úshin T. Júrgenov atyndaǵy Qazaq ulttyq óner akademııasynyń jas mamandary qyzmet atqarady. Olar «Eńbek» memlekettik baǵdarlamasy boıynsha ortalyqqa jumysqa ornalasyp sabaq beredi.
Bıyl barlyǵy 4,2 myńnan astam bala men jasóspirimdi tegin úıirmemen qamtý josparda bar.
Jan basyna qarjylandyrý aıasynda tegin sport sektsııalarymen 4,5 myń adam qamtylady.
