Almatyda «áleýmettik qyzmetkermin» dep qarııalardy aldaǵan alaıaq ustaldy
Qarııalardy aldaǵan kúdikti Almaty oblysynyń 38 jastaǵy turǵyny bolyp shyqty.
«Jábirlenýshilerdiń aıtýynsha, alaıaq áıel páterge kirip, ózin áleýmettik qyzmetkermin dep tanystyryp, qandaı da bir járdemaqy alamyn degen jeleýmen iri kólemde aqsha aıyrbastap berýdi suraǵan. Áńgimelesýshi bólmege kirip ketken kezde, aqshany urlaǵan. Keltirilgen zalal ártúrli somany qurady: bir zeınetker as úıge baryp kelgenshe, qaskóı 1 mıllıon teńgeni urlap, jeke qajettilikterine jumsaǵan. Qazirgi ýaqytta ustalǵanǵa qatysty eki birdeı epızod dáleldendi», – dedi Almaly aýdandyq Polıtsııa basqarmasynyń bastyǵy Esen Ysqaqov.
1929 jáne 1930 jyly týǵan jábirlenýshi zeınetkerler kúdiktini tanydy.
Degenmen, polıtsııada jábirlenýshilerdiń kóp bolýy múmkin ekeni aıtylady.
Eger alaıaq áıeldiń qylmystyq áreketinen zardap shekken basqa da azamattar bolsa, polıtsııa 8-708-707-92-02; 8-705-555-77-63; 8-775-719-27-27 nómirlerine habarlasýdy ótinedi.
