Almatyda aqyly qyzmettiń jekelegen túrlerine baǵa qymbattady

ASTANA. 4 qańtar. QazAqparat Almaty qalalyq statıstıka departamentiniń habarlaýynsha, 2012 jyldyń jeltoqsan aıynda osy jyldyń qarashasyna qaraǵanda aqyzy qyzmetterdiń jekelegen túrlerine baǵa men tarıftiń qymbattaǵany tirkelgen.

Atap aıtqanda, erler shashtarazynyń qyzmeti 2,9 paıyzǵa, monsha, sondaı-aq mektepke deıingi balalar mekemesiniń qyzmeti 1,6 paıyzǵa qymbattasa, qonaq úıde turý 1,5 paıyz, áıelder kóılegin jeke tapsyryspen tiktirý - 1,2 paıyz, jalǵa beriletin abattandyrylmaǵan úıler baǵasy 1,1 paıyzǵa, saǵat jóndeý 1 paıyzǵa, tis dárigeriniń qyzmetteri 0,9 paıyzǵa kóterilgen.

Al áıelderdiń sándi shash úlgileriniń baǵasy, sondaı-aq jańa úılerdi satý jáne abattandyrylǵan úılerdi qaıta satý men olardy jalǵa berý baǵasy 0,4 paıyzǵa artqan. Bul rette abattandyrylmaǵan úılerdi qaıta satý baǵasy 0,3 paıyzǵa kóterilse, joǵary sanattaǵy elıtaly baspanalar baǵasy 0,1 paıyzǵa ósipti.

Al qalǵan baqylanatyn basqa da aqyly qyzmetterdiń baǵasy men tarıfteri atalǵan merzim aralyǵynda ózgerissiz qalǵan.