Almatyda «Aqkent» turǵyn úı kesheninde taǵy órt shyqty

ALMATY. QazAqparat – Almatyda «Aqkent» turǵyn úı keshenindegi toǵyz qabatty turǵyn úıdegi páterlerdiń birinen órt shyqty, dep habarlaıdy QazAqparat tilshisi.

Almaty qalalyq Tótenshe jaǵdaılar departamentiniń málimetinshe, búgin keshki 19:29 mınýt shamasynda 101 pýltine Almaty qalasy Alataý aýdany Aqkent shaǵyn aýdanyndaǵy toǵyz qabatty turǵyn úıden órt shyqqany týraly aqparat tústi.

«5-shi qabattaǵy páterdiń as bólmesinde tútin sorǵysy órtenip, qyzyl jalyn 0,8 sharshy metrdi qamtydy. №2 órt dárejesi rastalmady. Zardap shekkender joq», - delingen qalalyq TJD baspasóz qyzmetiniń habarlamasynda.

Departament mamandary azamattardy órt qaýipsizdigi erejelerin saqtaýǵa shaqyrady.

«Qurmetti turǵyndar! Ashanalyq sorǵyshtaǵy maı shógindileriniń janýyn boldyrmaý úshin, ony ýaqytyly tazartý qajet, elektr symdarynyń qysqa tuıyqtalýyn boldyrmaý úshin symdardy arnaıy qysqyshtar arqyly qosý kerek», - dep atap ótti vedomstvodan.

Eske sala keteıik, 1 tamyz kúni 16 qabatty úıde órt tutanǵanyn habarlaǵan edik. Qyzyl jalyn saǵat sol kúni 18:46 kezinde oqshaýlanyp, sóndirildi.

31 adam, onyń ishinde 16 bala aýrýhanaǵa jetkizilgen bolatyn. Amaly qalmaǵan turǵyndar balalaryn terezeden laqtyrdy.