Almatyda Abaıdyń músini ashyldy

ALMATY. QazAqparat – Almatyda Abaıdyń músini ashyldy. Aqynnyń 175 jyldyq mereıtoıyna oraılastyrylǵan saltanatty rásimge Almaty ákimi Baqytjan Saǵyntaev qatysty, dep habarlaıdy QazAqparat tilshisi.

Músin Jetisý aýdany ákimdiginiń ǵımaraty janyndaǵy «Gúlder» saıabaǵyna qoıyldy.

«Abaıdyń mereıtoılyq jyly – mádenıet pen ádebıet qaıratkerleriniń, sóz janry sheberleriniń, jalpy shyǵarmashylyqpen aınalysatyndar úshin aıtýly mereke. Uly aqynnyń, fılosof pen oıshyldyń baı murasy, onyń adamgershilik ósıetteri qazaq halqynyń ıgiligine aınaldy», - dedi Almaty ákimi Baqytjan Saǵyntaev.

Músinniń avtory – Qazaqstannyń eńbek sińirgen qaıratkeri, músinshi Tileýberdi Bınashev. Saltanatty rásimge tanymal jazýshylar, aqyndar, abaıtanýshylar qatysty.