Almatyda 76 ata-ana UBT-ǵa qatysty alaıaqqa aldanyp qalǵan
22 jastaǵy kúdikti ózin joǵary synyp oqýshylaryn Ulttyq biryńǵaı testileýge daıyndaıtyn bilim berý ortalyǵynyń dırektory retinde habarlandyrý taratqan.
«Kelisimshart erejesine sáıkes, ata-anaǵa 238 myń teńgeni bólip tóleýge múmkindik berilgen. Bul rette, bala testileýden ótpeı qalsa, «muǵalim» aqshany qaıtarýǵa ýáde bergen. Іs júzinde – oqý ortalyǵynyń negizin qalaýshy boı tasalaǵan, al balalar ýáde etilgen sabaqtaryn almady. Ata-analar polıtsııaǵa kómek surap júgindi», - delingen polıtsııa málimetinde.
Atalǵan derek QR Qylmystyq kodeksiniń 190-baby 3-bóligi (Alaıaqtyq) boıynsha sotqa deıingi tergeýdiń biryńǵaı tizilimine tirkeldi.
«Tergeýdiń qazirgi satysynda qylmystyq is boıynsha 76 jábirlenýshi bar. Kúdikti ustaldy jáne qamaýda otyr», – dedi Medeý aýdandyq polıtsııa basqarmasynyń bastyǵy Іlııas Ómirserikov.
