Almatyda 70 shaqyrym jańa jol salynady

ALMATY. QazAqparat- Almatyda jol-qurylys jumystarynyń maýsymy bastaldy. Onyń barysynda 224 kóshede jol jabynyna ortasha jóndeý jumysy júrgiziledi, dep habarlaıdy QazAqparat tilshisi.

Qalalyq ákimdiktiń málimetinshe, bıyl megapolıstegi «Qaırat», «Álmerek», «Alǵabas», «Aqjar» jáne «Shańyraq-1» shaǵyn aýdandarynda 70 shaqyrym jańa jol salynady.

Bul jaqsy jáne qanaǵattanarlyq jaǵdaıdaǵy qala joldarynyń úlesin 86%-ǵa deıin jetkizýge múmkindik beredi.

«Búginde merdiger uıymdar men tehnıkalyq qadaǵalaý anyqtalyp, aýdandyq mańyzdaǵy kóshelerde jol jóndeý boıynsha daıyndyq jumystary júrgizilýde. Aýdandyq mańyzy bar 6 kóshede – Abaı dańǵyly, «Aqsaı-2» shaǵyn aýdanyndaǵy Aldanov, Aqtóbe, Semıatov kóshelerindegi ótpeli joldar, Aırıha kóshesi - joldardyń uzyndyǵy 5,9 km, bularda jóndeý jumystary bastaldy. Qala ákiminiń tapsyrmasy boıynsha Ál-Farabı dańǵylyn jóndeýdiń ornyna «Shańyraq-1», «Aqbulaq» jáne «Tastybulaq» shaǵyn aýdandaryndaǵy kósheler jóndeletin bolady»,- dep naqtylady ákimdiktiń baspasóz qyzmetinen.

Sonymen qatar, Shyǵys aınalma joly, Saın, Rysqulov, Raıymbek, Seıfýllın dańǵyldarynda jóndeý jumystary oqý jyly aıaqtalǵannan keıin bastalady.

Vision Zero tujyrymdamasyna sáıkes ortasha jóndeýdi júrgizý aıasynda kólik pen jaıaý júrginshiler qozǵalysynyń qaýipsizdigin qamtamasyz etý úshin kóshelerde trapetsııa tárizdi jasandy kedergilerdi, qaýipsizdik qaqpaqtaryn, qaýipsizdik araldaryn ornatý boıynsha jumystar júrgiziletin bolady.

Sondaı-aq qalanyń kóshe-jol jelisinde aǵymdaǵy jóndeý jumystary júrgizilýde. Oǵan 12 brıgada, 28 arnaıy tehnıka, 96 qyzmetker jumyldyryldy.

Magıstraldy kósheler men apatty ýchaskelerde jalpy aýdany 15 myń sharshy metrden astam shuńqyr jabylady.

Aıta keteıik, Almatyda Tóle bı kóshesin qala shekarasyna deıin uzartý jumystary bastalyp ketti.