Almatyda 7 700 qyzmet kórsetý nysany qaıta jandandy

ALMATY. QazAqparat - Almatyda 7 700 qyzmet kórsetý nysany qaıta jandandy. Bul týraly Baqytjan Saǵyntaevtyń tóraǵalyǵymen ótken Almaty qalasynyń tynys-tirshiligin qalpyna keltirý jónindegi qalalyq shtab otyrysynda ákim orynbasary Maqsat Qıqymov málim etti, dep habarlaıdy Qazaqparat tilshisi.

Maqsat Qıqymovtyń aıtýynsha, 120 iri kásiporyn men qalanyń 51 bazary jumysyn bastady.149 azyq-túlik saýda jelileriniń, gıpermarketter men sýpermarketterdiń 146-sy óz qyzmetin qalpyna keltirgen, qalǵan 3-ýi 28 qańtarǵa deıin ashylady.

«Almatynyń azyq-túlik emes saýda nysandaryna keletin bolsaq, búginde 110-nyń 99-y óz qyzmetin jandandyrdy, qalǵan 11-i aqpan aıynyń sońyna deıin jumysyn bastaıdy. Búginde qalanyń 93 saýda-oıyn-saýyq ortalyqtary men saýda úıleriniń 87-si jumys isteıdi, qalǵan 6 nysan qalpyna keltirý qyzmetin júrgizedi», - dedi Almaty ákiminiń orynbasary.

Sonymen qatar, ol búginde Almatyda 220 janar-jaǵarmaı quıý beketteriniń 190-ny jumys istep jatqanyn jetkizdi.

«23 jelilik janar-jaǵarmaı quıý beketteri zaqymdanýdy qalpyna keltirip, aqpan aıynyń sońyna deıin iske qosylady, órtengen 2 stantsııa mamyr aıynyń ortasyna deıin, al 5 jelilik emes janar-jaǵarmaı quıý beketteri 30 qańtarǵa deıin óz qyzmetin qalpyna keltirýdi josparlap otyr»,- dedi ol.

Qaladaǵy qoǵamdyq tamaqtaný oryndarynyń basym bóligi jumys istep tur. Naýryz aıynyń ortasyna deıin 15 nysan, 1 mamyrǵa deıin taǵy 2 nysan iske qosylady.