Almatyda 611 adam «QazVac» vaktsınasyn saldyrdy

ALMATY. QazAqparat – Almatyda bir táýlikte 7 620 adam koronavırýsqa qarsy vaktsına saldyrdy, dep habarlaıdy QazAqparat tilshisi.

«26 sáýir kúni 7 620 almatylyq vaktsına saldyrdy, onyń ishinde 611 adam «QazVac» vaktsınasyn aldy», - dep habarlady qalalyq Qoǵamdyq densaýlyq saqtaý basqarmasynyń baspasóz qyzmetinen.

Bıylǵy jyldyń 1 aqpany men 26 sáýiri aralyǵynda barlyǵy 188 148 adamǵa ekpe salyndy. «Spýtnık-V» vaktsınasynyń 2 komponentin 39 041 adam aldy.

Búgingi kúni qalada 209 pýnkt jumys istep tur.1 201 adamnan turatyn 303 egý brıgadasy bar. Sonymen qatar, 50 kóshpeli mobıldi brıgada uıymdastyryldy.

«2021 jyldyń 25 sáýiri kúni jalpy sany 6 myń doza (1 jáne 2-komponent boıynsha) qazaqstandyq «QazVac» vaktsınasynyń transhy alyndy», - dep habarlady vedomstvodan.

Búgin qalaǵa taǵy «Spýtnık-V» vaktsınasynyń 57 895 dozasy jetkizildi.