Almatyda 60 kásipodaq uıymy quryldy
Atalmysh úkimettik emes uıymdarǵa 11 myńǵa jýyq qyzmetker múshe boldy.
Jalpy alǵanda, Almatydaǵy kásipodaq músheleriniń jalpy sany shamamen 200 myń adamdy qamtıdy.
Almaty kásipodaqtarynyń aımaqtyq birlestiginiń málimetinde kórsetilgendeı, kásiporyndarda ornalasqan bastaýysh uıymdardy qurý óte mańyzdy, sebebi olar tikeleı problemalyq máselelerdi, qyzmetkerlerdiń máselelerin sheshedi.
«Kásipodaqqa kirgende, jumysshy eń aldymen barlyq áleýmettik jáne ekonomıkalyq jeńildikterdi alady. Bul: tegin zań kómegin, kepildikter men ótemaqylardy, qyzmetkerlerdiń biliktiligin kóterýge jáne joǵary jalaqymen sáıkes jumys ornyn alýǵa kómektesedi. Budan basqa, jumystan bosatý jáne basqa da ádiletsiz is-áreketter jaǵdaıynda kásipodaq qyzmetkerin qorǵaý, qıyn ómir jaǵdaılary jaǵdaıynda materıaldyq kómek kórsetý, shıpajaılyq-kýrorttyq emdeýge jeńildikti joldamalardy alýǵa kómek kórsetý kózdelgen», - dedi kásipodaqtar aımaqtyq birlestiginiń tóraıymy Záýresh Ómirbaeva.
Baıandamashynyń aıtýynsha, eger qyzmetker kásipodaq múshesi bolyp tabylmasa, ol jumys berýshimen betpe-bet qalyp, avtomatty túrde kásipodaqtyń zańdy kómeginen aıyrylady.
«Kásipodaq uıymymen yntymaqtasa otyryp, jumys berýshi zańǵa sáıkes qalyptasqan jáne tolyq jaýapkershilikke ıe áleýmettik seriktes ekendigin túsinedi. Osylaısha, qyzmetker men jumys berýshi arasyndaǵy ózara tıimdi yntymaqtastyq eki jaqqa da oń nátıjeler beredi », - dep qorytyndylady Ómirbaeva.
