Almatyda 5 adamdy atyp óltirgen Igor Dýjnovty kúzetpen ustaý merzimi uzartyldy
Almaty qalalyq sot baspasóz qyzmetiniń málimetinshe, buǵan deıin prokýratýra Igor Dýjnovty kúzetpen ustaý merzimin 20 jeltoqsanǵa deıin uzartý týraly ótinish bildirgen.
«12 qarashada prokýratýranyń ótinishi tergeý sotynyń qaýlysymen qanaǵattandyryldy. Igor Dýjnovqa qatysty kúzetpen ustaý merzimin úsh aıǵa deıin, ıaǵnı 2021 jylǵy 20 jeltoqsanǵa deıin uzartýǵa sanktsııa berildi», - dep habarlady Almaty qalalyq soty.
Eske salaıyq, oqıǵa 20 qyrkúıekte shamamen keshki saǵat 17.20-da «Aqbulaq» shaǵyn aýdanynda jeke úılerdiń birine kelgen sot oryndaýshyǵa, ýchaskelik polıtsııa ınspektorlaryna úı ıesi — 1967 jyly týǵan D. esimdi azamat oq atty.
Qaza tapqan polıtseılerdiń artynda 5 jáne 2 balasy qaldy.
Keıinirek Jeke sot oryndaýshylarynyń palatasy oqıǵaǵa qatysty túsinikteme berdi.
Almaty qalalyq soty birneshe adam ólimine kináli turǵynnyń daýly isine qatysty málimet berdi.
«Bank TsentrKredıt» AQ is boıynsha barlyq qajetti qujatty usynatyndaryn jáne zardap shekkenderdiń týystaryna jan-jaqty kómek kórsetetinderin jetkizdi.
Atalǵan jaǵdaı boıynsha sotqa deıingi tergeý amaldary bastaldy. Kináli adam 20 jylǵa deıin nemese ómir boıyna bas bostandyǵynan aıyrylýy múmkin.