Almatyda 250 myń dollar salynǵan seıf urlandy

ALMATY. QazAqparat - Almaty polıtsııasynyń qyzmetkerleri 250 myń AQSh dollary bar seıfti urlady degen kúdikpen Almaty oblysynyń 34 jastaǵy turǵynyn ustady, dep habarlaıdy QazAqparat tilshisi.

Almaty polıtsııasynyń málimetinshe, 1989 jylǵy kúdikti bótenniń jeke úıine basyp kirip, iri kólemdegi aqshasy bar seıfti alyp shyqqan.

«Urlyq bolǵan kezde úıdiń ıesi bolmaǵan. Birneshe kún buryn demalysqa ketken. Otaǵasynyń aıtýynsha, ol - jeke kásipker. 250 myń dollardy úıindegi seıfte saqtaǵan», - deıdi Medeý aýdandyq polıtsııa bóliminiń bastyǵy Іlııas Ómirserikov.

Kúdikti qamaýǵa alynyp, kinásin moıyndady.

«Kúdiktiniń turǵylyqty jerine tintý júrgizildi. Ol urlanǵan aqshany kóńniń arasyna tyǵyp qoıǵan. Aıǵaqty zattar tárkilenip, qylmystyq is materıaldaryna tirkeldi», - dedi Іlııas Ómirserikov.

QR Qylmystyq kodektiń 201-babyna sáıkes, tergeý múddesindegi ózge de málimetter jarııalanbaıdy.