Almatyda 23 kovıdtik klınıka daıyndaldy
Almaty qalasy ákimniń orynbasary Ásem Núsipovanyń aıtýynsha, 7 shildedegi jaǵdaı boıynsha Almatyda KVI juqtyrýdyń 239 841 jaǵdaıy tirkeldi. Statsıonarlarda 87 patsıent emdelýde, onyń 2-i reanımatsııa bóliminde. Ambýlatorııalyq baqylaýda 834 adam bar.
Almaty qalasynyń bas sandárigeri Qasymhan Alpysbaıuly KVI-dyń taralý qarqyny boıynsha qala «sary» aımaqta turǵanyn jetkizdi. Onyń aıtýynsha, kóktemniń basy men orta sheginde aýrý kórsetkishteriniń tómendeýinen keıin qaıta joǵarylaý tendentsııasy baıqalýda. Osylaısha, aýrýǵa shaldyǵý derekteriniń ósýi 0,2% - ke deıin ósti, taralý koeffıtsıenti 1-den joǵary. Juqtyrý oshaqtarynyń eń kóp sany Bostandyq, Almaly, Alataý, Bostandyq jáne Medeý aýdandarynyń aýmaǵynda ornalasqan.
Infektsııanyń ósý sebepteri men kózderi - qoǵamdyq oryndarǵa barý, úı oshaqtaryndaǵy, qalalyq kóliktegi, jumys ornyndaǵy baılanystar, sondaı-aq vaktsınatsııa men revaktsınatsııa qarqynynyń tómendeýi bolyp otyr.
Turǵyndar arasynda indetke shaldyǵý derekterin azaıtý maqsatynda qala ákimdigi vaktsınatsııa men revaktsınatsııa, naýqastardy oqshaýlaý barysyn baqylaý, negizgi aldyn alý erejelerin saqtaý qajettiligi týraly halyqpen túsindirý jumystaryn kúsheıtý boıynsha birqatar sharalar qabyldady.
Sonymen qatar pandemııanyń jańa tolqynyna Almatyda barlyǵy 7 000 tósek-oryndyq, onyń ishinde 250 reanımatsııalyq oryndyq 23 kovıdtik klınıka daıyndaldy.
Medıtsınalyq qoǵamdastyq ókilderimen keńes barysynda KVI-diń aldyn alý máseleleri qaraldy.
Premer-Mınıstrdiń orynbasary Eraly Toǵjanov qalada syrqattanýshylyqtyń ósý jaǵdaılaryna, sondaı-aq MSAK jumysyn úılestirýdiń, vaktsınatsııa men revaktsınatsııany uıymdastyrýdyń mańyzdylyǵyna, Almaty qalasynyń densaýlyq saqtaý júıesiniń koronavırýs ınfektsııasy aýrýshańdyǵynyń kezekti yqtımal órshýine daıyndyq deńgeıine nazar aýdardy.
«Búgin qoıylǵan mindetterdi qalanyń bas memlekettik sanıtarııalyq dárigerimen birlesip taldap, koronavırýs ınfektsııasynyń aldyn alý jáne taralýyna jol bermeý boıynsha qajetti sharalar qabyldaýdy suraımyn», - dep atap ótti Eraly Toǵjanov.
Keńes sońynda vıtse-premer qala basshylyǵyna COVID-19-ǵa qarsy ımmýndaý naýqanyn kúsheıtýdi tapsyrdy. Sondaı-aq, halyq arasynda sapaly túsindirý jumystaryn júrgizýdi kúsheıtý qajettigin atap ótti.
