Almatyda 20 jastaǵy jigitten esirtki tárkilendi

ALMATY. QazAqparat – Almatynyń 20 jastaǵy turǵynynan alty býma esirtki tárkilendi, dep habarlaıdy QazAqparat tilshisi.

Áýezov aýdanynda 2002 jyly týǵan N. esimdi kúdikti ustaldy. Polıtsııa qyzmetkerleri jas jigitti jeke tintý kezinde odan alty býma esirtki zaty tárkilendi. Kúdikti ony taýyp alǵanyn jáne olardy ózine qaldyrýǵa sheshim qabyldaǵanyn aıtty.

«QR QK-niń 296-baby 4-bóligi – asa iri mólsherde esirtki zattaryn saqtaý boıynsha qylmystyq is tirkeldi. Kúdiktige qatysty qamaýǵa alý túrindegi bultartpaý sharasy tańdaldy. Birqatar saraptamalar taǵaıyndaldy, tergeý júrip jatyr», - dedi Áýezov aýdandyq polıtsııa basqarmasynyń bastyǵy Ulan Ábilqaıyr.

Eske salsaq, Aqmola oblysyna esirtki saýdasymen aınalysqandar 11 jáne 13 jylǵa sottalǵan bolatyn.