Almatyda 11 bala ınfektsııalyq statsıonarda jatyr

ALMATY. QazAqparat – Almatyda bir táýlikte 15 adam koronavırýs juqtyrdy. Onyń 11-inde sımptom bar, 4-eýinde aýrý belgileri joq. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

9 adam jazylyp shyqsa, 11 adam aýrýhanaǵa jańadan tústi.

400 tósek-oryndyq ınfektsııalyq statsıonarlarda 96 adam jatyr, onyń ishinde 11 bala bar.

Jalpy reanımatsııa jáne qarqyndy terapııa bólimshesinde 10 adam jatyr.

4 naýqas jasandy tynys alý apparatyna qosylǵan. High flow-da 2 apparat jumys isteıdi. Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 181 naýqas bar. Onyń ishinde jeńil jáne ortasha aýyr jaǵdaıda – 164 naýqas, sımptomsyz 17 naýqas bar.