Almaty zoobaǵyndaǵy Gımalaı qonjyǵynyń atyn jeli paıdalanýshylary qoıdy

ALMATY. QazAqparat - Zoobaqtaǵy Gımalaı aıýynyń qonjyǵyna «ıAssýrı» degen at qoıyldy, dep habarlaıdy QazAqparat tilshisi.

Almaty zoobaǵynyń baspasóz qyzmetinen habarlaǵandaı, qonjyqqa at qoıý úshin áleýmettik jeli arqyly usynystar qabyldanǵan.

«Oqyrmandardyń kópshiligi «ıAssýrı» degen esimge daýys berdi. Sebebi, bul jerde qonjyqtyń ákesi men enesiniń esimderi biriktirilgen. Ákesiniń aty - «ıAshın» bolsa, enesi - «Ýssýrı», ekeýin qosqanda «ıAssýrı» bolady. Biz de barlyq nusqalardyń ishinen osyǵan toqtap, tańdap aldyq», - dep habarlady zoobaqtyń baspasóz qyzmeti.

Sondaı-aq, qazir «ıAssýrıdiń» qal-jaǵdaıy jaqsy, enesiniń qasynda júrgeni aıtyldy.

Eske salaıyq, Almaty zoobaǵynda Gımalaı aıýynyń qonjyǵy ómirge kelgeni týraly buǵan deıin habarlanǵan.

Sondaı-aq, qaznette Gımalaı qonjyǵynyń uıyqtatyp óltirilgeni týraly feık aqparat taraǵan bolatyn.