Almaty turǵyndaryna qoǵamdyq orynda qoqys tastaǵany úshin 91 mln teńge aıyppul salyndy
Almaty qalalyq Polıtsııa departamentiniń málimetinshe, vedomstvo qyzmetkerleri usaq quqyq buzýshylyqtarǵa jol bermeý úshin jumys istep jatyr.
«Qoqys tastaý, jol qozǵalysy erejelerin buzý jáne usaq quqyq buzýshylyqtar úshin jazalanbaý azamattardyń erteńgi kúni asa aýyr áreketter nemese qylmystar jasaýyna alǵyshart bolady», – deıdi Almaty qalasy polıtsııa departamentiniń jergilikti polıtsııa qyzmeti bastyǵynyń orynbasary Dıas Dýanbekov.
Polıtsııa ókiliniń aıtýynsha, qoǵamdyq oryndardy lastaý QR Ákimshilik quqyq buzýshylyq týraly kodeksiniń 434-2 baby boıynsha jaýapkershilikke tartylatylady.
«Quqyq buzýshyǵa 5 AEK (17 250 teńge) kóleminde aıyppul salynady. Almatyda jyl basynan beri atalǵan ákimshilik bap boıynsha 5370 quqyq buzýshylyq anyqtalyp, aıyppuldyń jalpy somasy 91 mıllıon teńgeden asty»,- deıdi ol.