Almaty turǵyndary otandyq vaktsınany saldyra bastady
Búgin Almatyǵa vaktsınanyń 1 jáne 2 komponent boıynsha 6000 doza berildi. Bul preparat 3000 adamdy vaktsınalaýǵa jetkilikti.
«Qaladaǵy emhanalarǵa QazVac vaktsınasynyń 100 dozasy taratyldy. Aldyn ala jazylǵan adamdar qazir vaktsına saldyrýǵa kelip jatyr. ıAǵnı, turǵyndar bul vaktsınany kútti degen sóz. Bizdiń emhana otandyq vaktsınany salýdy búgin bastap ketti. Qazir 9 adamǵa vaktsına egildi, taǵy 3 adam kezekte tur», - dedi Almatydaǵy №4 qalalyq emhananyń bas dárigeri Zýhra Ýmarova.
Onyń aıtýynsha, almatylyqtar qaı vaktsınany tańdaıtyndaryn ózderi sheshedi.
«Osy ýaqytqa deıin «Spýtnık V» vaktsınasyn alsaq, búgin bizge qazaqstandyq vaktsına jetkizildi. Endi adamdardyń tańdaý múmkindigi bar», - dedi ol.
«Spýtnık-V» sııaqty, ol da eki komponentti jáne 21 kúndik ıntervalmen engiziledi.
Buǵan deıin, QR klınıkalyq jáne irgeli medıtsına akademıgi, S.Asfendııarov atyndaǵy QazUMÝ epıdemıologııa kafedrasynyń professory Sáken Ámireev «QazVac» vaktsınasy vırýstyń mýtatsııalanǵan shtamdaryna tótep bere alatynyn aıtqan bolatyn.
