Almaty túlekteri UBT nátıjesi boıynsha respýblıkada kósh bastady
Bıyl da Almaty qalasy UBT-nyń respýblıkalyq nátıjesi boıynsha ortasha 101,2 balmen birinshi orynǵa shyqty. Altyn belgi ıegerleriniń sany da byltyrǵyǵa qaraǵanda 100-ge artqan.
Eń joǵarǵy 140 bal jınaǵan Shıara Qudaıbergenova óziniń bolashaqtaǵy josparyn qala basshysymen bólisti.
«Memleket basshysyna jastardyń jumysqa turyp, bilim alýyna kóp kóńil bólgeni úshin alǵys aıtqym keledi. Ata-anam men ózimniń atymnan 11 jyl boıy bilim nárimen sýsyndatyp kelgen ustazdaryma rahmetimdi aıtamyn», - dedi túlek.
Qala basshysy Shıaraǵa Davostaǵy búkilálemdik ekonomıkalyq forýmnyń negizin qalaýshy Klaýs Shvabtyń «Tórtinshi ónerkásiptik revolıýtsııa» kitabynyń qazaq tilindegi nusqasyn syılady.
«Elbasy «Rýhanı jańǵyrý» maqalasynda qundylyqtar júıesinde bilim birinshi orynǵa shyqsa, ulttyń damýyna dańǵyl jol ashylatynyn aıtqan bolatyn. Búginde Almaty kezekti ret elimizdiń ǵylym-bilim, mádenıet ortalyǵy ekenin dáleldedi. Bıyl «Memleket basshysynyń 5 ınstıtýtsıonaldyq ıdeıasy» aıasynda qosymsha 20 myń shákirtaqy bólindi. 75 myńǵa jýyq orny bar stýdenttik jataqhanalardyń qurylysy bastaldy», - dedi Baýyrjan Baıbek.
Aıta ketý kerek, 2018 jyly UBT-ǵa 6735 bala qatysty.
Olardyń 3999-y - qazaq tilinde, 2731-i - orys tilinde, 5 túlek aǵylshyn tilinde test tapsyrdy. 379 túlek shyǵarmashylyq emtıhandy tańdady.
Qala boıynsha ortasha ball kórsetkishi 101,2 boldy. Byltyr bul kórsetkish 100-ge jetpegen edi.
Almatyda túlekterdiń 55%-y 100 baldan joǵary nátıjege qol jetkizdi. 314 túlek 130-140 arasynda bal jınady.
Eń joǵarǵy baldy respýblıka boıynsha №123 mektep túlegi Shıara Qudaıbergenova jınady. 139 balǵa №162 mektep-gımnazııasynyń túlegi Dáýlet Hamzın men №104 mekteptiń túlegi Aıgerim Ibaǵalıeva qol jetkizdi. 137 - 138 baldy 14 túlek jınaǵan.
