Almaty taýlarynda joǵalǵan týrısti dronmen izdestirip jatyr

ALMATY. QazAqparat - Almaty taýlarynda joǵalyp ketken týrısti izdeýge dron apparaty jumyldyryldy, dep habarlaıdy QazAqparat tilshisi.

Qalalyq tótenshe jaǵdaılar departamentiniń málimetinshe, Іle Alataýynda joǵalyp ketken 42 jastaǵy Álııa Qamıevany izdeýge 30 adam shyqty.

«Іzdestirý-qutqarý jumystaryna dereý 30 adam men jeti tehnıka jiberildi. Onyń ishinde, respýblıkalyq jedel-qutqarý jasaǵynyń qutqarýshylary, 109-qutqarý qyzmeti, eriktiler bar. Sonymen qatar, pılotsyz ushý apparattary tartylady», - dep habarlady Tótenshe jaǵdaılar departamentinen.

Qutqarýshylar eki topqa bólindi. Bireýi - Almaty-Alagır asýyna qaraı, ekinshi top Sovetter shyńy jaqqa qaraı bet aldy. Sonymen qatar, olar gıdrologııa stansasynyń joǵary jaǵyndaǵy ormandy da qarap jatyr.