Almaty taýlarynda ot jaqqandarǵa 500 myńnan astam teńge aıyppul salyndy

ALMATY. QazAqparat – ALMATY. QazAqparat - Almatyda Іle Alataý ulttyq parkinde ot jaqqan bes adam ákimshilik jaýapqa tartyldy, dep habarlaıdy Qazaqparat tilshisi.

Qalalyq TJD baspasóz qyzmeti málimetinshe, Almaty taýlarynda 180-nen astam birlesken reıd júrgizildi. Onyń barysynda demalýshylarǵa 50 myńnan astam jadynama taratyldy. Sonymen qatar erekshe qorǵalatyn aımaqtarda órt jaǵýdyń 117 faktisiniń joly kesildi.

«QR ÁQBK 505 baby boıynsha 112 adam eskertý túrinde, osy bap boıynsha qaıtalap órt qaýipsizdik buzýshylyqqa jol bergen 2 adam jalpy somasy 76 575 teńge aıyppul túrinde jaýapkershilikke tartyldy. Budan bólek QR ÁQBK 367-baby boıynsha-jalpy somasy 459 450 teńge aıyppul túrinde – 3 adam ákimshilik jazaǵa tartyldy»,- dep habarlady vedomstvodan.

Qalalyq TJD mamandary taýly jerde shylym shegip, ot jaqpaýǵa keńes beredi.

Aıta keteıik, Іle Alataý ulttyq parkinde ystyq tamaq daıyndaý úshin arnaıy jabdyqtalǵan 14 oryn, Alma-arasan shatqalynyń aýmaǵynda -12 oryn, «Býtakovkada» 2 oryn bar.