Almaty taýlaryna barǵan týrıster adasyp ketti

ALMATY. QazAqparat – Almaty taýlarynda týrıster adasyp ketti, dep habarlaıdy QazAqparat.

Tótenshe jaǵdaılar mınıstrligi baspasóz qyzmetiniń málimetinshe, búgin, 20 tamyzda Іle Alataýy taýlaryndaǵy Kamenskıı shyńynan túsken kezde úsh adam adasyp, qutqarýshylarǵa qońyraý shalǵan.

Túni boıy izdeý jumystary júrgizilip, saǵat 6:40-ta RJQJ men qalanyń qutqarýshylary birinshi adasqan týrıstti tapty.

Eki jarym saǵattan soń Qarǵaly shatqaly aýmaǵynda taǵy eki týrıst tabyldy.

TJM qutqarýshylary taýly joryqqa shyqpas buryn jaqyndaryńyzǵa josparlaryńyz týraly habarlap, baǵytty, sondaı-aq qaıtý ýaqytyn qysqasha eskertken jón ekenin eske salady.