Almaty polıtsııasy kúsheıtilgen rejımge kóshti
Almaty qalalyq polıtsııa departamentiniń málimetinshe, 9 qarashadan bastap megapolıs polıtsııasy qyzmettiń kúsheıtilgen nusqasyna kóshti.
Іs-sharany ótkizýge Ulttyq ulannyń áskerı qyzmetshilerimen birge polıtsııa qyzmetkerleri jumyldyryldy.
«Tıisti qoǵamdyq tártipti saqtaý, kóshelerde jáne basqa da qoǵamdyq oryndarda quqyq buzýshylyqtyń aldyn alý jáne jolyn kesý maqsatynda is-shara aıasynda qala aýmaǵynda polıtsııa jasaǵynyń, onyń ishinde jaıaý patrýlderdiń sany artady. Quqyq buzýshylyqqa múldem tózbeýshilik aıasynda polıtsııa qyzmetkerleri men áskerı qyzmetshiler kóshelerdi, aýlalardy, alańdardy, saıajaılardy jáne basqa da qoǵamdyq oryndardy aralap júr»,- dep habarlady vedomstvodan.
Budan bólek, tártip saqshylary kóshi-qon zańnamasyn, sonyń ishinde qurylys jáne saýda salalaryndaǵy buzýshylyqtardy anyqtaý maqsatynda tekserýler júrgizýde.
«Habar-osharsyz ketken adamdardy, qylmyskerlerdi izdestirý, sondaı-aq bótenniń múlkin urlaý, páter tonaý, kólikti aıdap áketý jáne taǵy basqa aınalysatyn qylmystyq toptardy áshkereleý boıynsha PD-nyń jedel bólimsheleriniń jumysy kúsheıtildi. «Quqyqtyq tártip» jedel aldyn alý is-sharasy krımınogendik jaǵdaıdy jaqsartýǵa, sondaı-aq qylmystar men quqyq buzýshylyqtardyń aldyn alýǵa, jolyn kesýge jáne eskertýge baǵyttalǵan aýqymdy shara»,- dep atap ótti polıtsııadan.
