Almaty polıtsııasy Denıs Tendi óltirgender týraly aqparat bergenderge syıaqy taǵaıyndady

ALMATY. QazAqparat - Almaty polıtsııasy mánerlep syrǵanaýshy Denıs Tendi óltirgen adamdar týraly aqparat bergenderge syıaqy taǵaıyndady,  dep habarlaıdy Qazaqparat tilshisi.

Almaty polıtsııasy sportshy Denıs Tenniń ólimine qatysty QR QK 99-babynyń 2-bólimi boıynsha sotqa deıingi tergeý isin júrgizip jatyr. Tergeý aıasynda qylmysty ashý maqsatynda keshendi jedel-izdestirý, tergeý sharalary qolǵa alynǵan.

Sonymen qatar, Almaty ІІD oqıǵaǵa kýá bolǵandardy anyqtap jatyr.

"Bul oqıǵany kózimen kórgen, qylmysqa qatysy bar kúdikti adamdar týraly aqparat biletin adamdar bolsa, 254-40-42; 8-701-707-36-00 nemese 8-701-722-60-62,  102 nómirlerine habarlasýyn suraımyz. Qupııalylyq pen syıaqyǵa kepildik beriledi», - deıdi qalalyq ІІD baspasóz qyzmetindegiler.

Aıta ketý kerek, búgin túski 15:00 shamasynda belgili sportshy Denıs Ten pyshaq jaraqatymen aýrýhanaǵa túsken bolatyn.

Dárigerler klınıkalyq ólim halinde kelip túsken sportshyǵa 2,5 saǵat boıy reanımatsııalyq sharalar jasap, aman alyp qala almady.

Denıs Ten kóp qan joǵaltýy sebebinen kóz jumdy. Búgin marqum sońǵy jattyǵýynda bolǵan.