Almaty polıtsııasy azamattardy qys mezgilinde samokatqa minbeýge shaqyrdy

ALMATY. QazAqparat - Almaty qalalyq polıtsııa departamenti qala turǵyndary men qonaqtaryn qys mezgilinde elektrosamokat sekildi mıkro mobıldi qozǵalys quraldarymen jolǵa shyqpaýdy surady, dep habarlaıdy QazAqparat tilshisi.

Polıtsııanyń málimetinshe, qysqy mezgilde samokatpen júrý júrgizýshi men basqa da jol qozǵalysyna qatysýshylarǵa qaýipti bolýy múmkin.

«Almaty qalasynyń polıtsııasy atalǵan kólik túrin qys mezgilinde paıdalanbaýǵa keńes beredi. Sebebi, ol jańbyr men qarda paıdalanýǵa jaramsyz. Sonymen qatar, bul qurylǵylar jol qozǵalysyna qatysýshylarǵa naqty qaýip tóndiredi», - delinedi polıtsııa habarlamasynda.

Sondaı-aq, polıtsııa departamenti búgingi zańnama boıynsha qysqy ýaqytta bul qurylǵylardy paıdalaný resmı túrde shektelmegenin atap ótti.

Foto: urixblog.com