Almaty oblysyndaǵy zańsyz polıgon joıylady

QONAEV. QazAqparat - Birneshe kún buryn áleýmettik jelilerde Almaty oblysynda qoqys úıindisin zańsyz ornalastyrý týraly beınerolık jarııalandy, dep habarlaıdy QazAqparat

Almaty oblysy boıynsha ekologııa departamenti aǵymdaǵy jyldyń 25 qańtarynda qoqys tógetin oryn ornalasqan Shelek aýylynyń batys bóliginiń aýdanyna baryp, jergilikti turǵyndarmen kezdesý ótkizdi.

Bul sapar jergilikti atqarýshy organdardyń, BAQ ókilderimen jáne Shelek polıtsııa bóliminiń qyzmetkerlerimen birlesip júzege asyryldy.

«Tekserý barysynda ruqsat etilmegen polıgonda qatty turmystyq, medıtsınalyq qaldyqtar men munaı ónimderi boldy. Departament Shelek aýylynyń ákimdigine jáne «Balıs 2007» JShS ókilderine olardy joıý boıynsha jedel sharalar qabyldaý týraly tapsyrma berdi», - dep jazdy Ekologııa jáne tabıǵı resýrstar mınıstrliginen.Shelek polıtsııa bóliminiń qyzmetkerleri tirkeý materıalyn jasaqtady, onyń nátıjeleri boıynsha kináli adamdarǵa qatysty Qazaqstan Respýblıkasynyń qoldanystaǵy zańnamasyna sáıkes tıisti sharalar qabyldanatyn bolady.