Almaty oblysynda jol apatynan 3 adam mert boldy

TALDYQORǴAN. QazAqparat - Almaty oblysynda jol apatynan 3 adam mert bolyp, taǵy 4 adam aýrýhanaǵa jetkizildi. Oqys oqıǵa «Almaty-Kókpek-Kóktal» tas jolynyń 40-shy shaqyrymynda bolǵan, dep habarlaıdy QazAqparat tilshisi.

«Jol kólik oqıǵasy «Toıota Haılander» jáne «Lada 21014» kólikteriniń soqtyǵysýy saldarynan bolǵan. Jol apatynan 3 adam qaıtys boldy. Taǵy 4 adam túrli jaraqatpen Esik qalasynyń aýrýhanasyna jetkizildi. Atalǵan fakti boıynsha sotqa deıingi tergeý bastaldy», - dep málimdedi Almaty oblystyq Polıtsııa departamentiniń baspasóz qyzmetinen.

Vedomstvonyń málimetinshe, atalǵan faktini oblystyq Polıtsııa departamentindegi tergeý basqarmasy júrgizedi.

Aıta keteıik, jantúrshigerlik kólik apatynyń vıdeosy áleýmettik jelige jarııalandy.