Almaty oblysynda jasóspirimderdi vaktsınatsııalaý jalǵasýda

TALDYQORǴAN. QazAqparat- Almaty oblysynda 12 jastan bastap turǵyndardy koronovırýsqa qarsy vaktsınatsııalaý jalǵasýda, dep habarlaıdy QazAqparat tilshisi.

Oblysta vaktsınanyń birinshi komponentin 1 048 360 adam salǵyzdy, onyń ishinde 12 jastan 17 jasqa deıingi jasóspirimder – 72292, júkti áıelder – 3602 jáne laktatsııa kezeńindegi áıelder – 12481. Sondaı-aq, 178 325 adam revaktsınatsııa kýrsynan ótti. Oblys boıynsha koronavırýsqa qarsy vaktsına salatyn 318 egý kabıneti belgilenip, 76 jyljymaly pýnkt qyzmet kórsetýde.

Qazirgi ýaqytta oblysta ekpe alýǵa nıet tanytqan azamattarǵa «Pfizer» kompanııasynyń «Komırnatı», «Sinopharm Vero Cell», «Qaz Covid-in», «Gam-KOVID-VAK («Spýtnık V») vaktsınalary egilýde.
Vaktsınatsııaǵa ruqsat alý úshin ózińizdiń ýchaskelik dárigerińizge mekenjaıyńyz boıynsha tirkelgen emhanaǵa júginý nemese eGov.kz portalynda nemese eGov mobile qosymshasy arqyly elektrondy ótinim jiberý arqyly aldyn ala jazylýyńyz qajet.
«Jasóspirimderge vaktsınatsııa ata-anasynyń nemese zańdy ókilderiniń aqparattandyrylǵan kelisimimen júrgiziledi»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.