Almaty oblysynda zańsyz aýlanǵan balyq tıegen kólik ustaldy
Almaty oblystyq Polıtsııa departamenti baspasóz qyzmetiniń málimetinshe, polıtseıler Eskeldi aýdanynyń aýmaǵynda «Folksvagen Transporter» shaǵyn avtobýsyn toqtatqan. Óz kóligindegi 700 kılogramman asatyn balyqqa qatysty júrgizýshi eshqandaı tıisti qujattar kórsete almaǵan.
Іri kólemde balyqty zańsyz tasymaldaýmen aınalysqan azamattardyń aqparatyna sáıkes, olar balyqty Tekeli qalasynda satý maqsatynda ákele jatqan. Kóliktegi balyqtar tárkilenip, tıisti qabyldaý oryndaryna ótkizildi. Balyqtan túsken qarajat memleket paıdasyna aýdarylatynyn atap ótý qajet. Sonymen qatar, qazirgi ýaqytta atalǵan derek boıynsha memleketke keltirilgen materıaldyq shyǵyn anyqtalýda. Tıisti tekserýlerden keıin naqty protsessýaldyq sheshim qabyldanady.
Polıtsııa taratqan aqparatqa sáıkes, Almaty oblysy aýmaǵynda jyl basynan beri tabıǵat qorǵaý zańnamasyn buzýdyń 257 deregi tirkelgen. Nátıjesinde 3 tonnaǵa jýyq balyq tárkilengen. Brakonerlikpen aınalysqan tulǵalardan 3 qaıyq pen 121 qylmys jasaý quraly, onyń ishinde 30 myltyq tabylyp, tárkilengen.