Almaty oblysynda menıngıtpen naýqastandy dep kúdik keltirilgen taǵy bir adam kóz jumdy

ASTANA. QazAqparat - Búgin Almaty oblysynda menıngokokk ınfektsııasyn juqtyrdy dep kúdik keltirilgen taǵy bir adam qaıtys boldy, dep habarlaıdy QazAqparat tilshisi QR Densaýlyq saqtaý mınıstriliginiń baspasóz qyzmetine silteme jasap.

Mekeme ókilderiniń málim etkenindeı, naýqas 19 maýsym kúni aýrýhanaǵa túsken.

«Zerthanalyq zertteýler júrgizilýde. Qaıtys bolǵan adammen baılanysta bolǵandar tekserýden ótip jatyr», - delingen habarlamada.
Qazaqstanda jyl basynan beri menıngokokk ınfektsııasyn juqtyrýdyń 62 jaǵdaıy tirkelgen. Olardyń ishinde 4 adam statsıonarlyq túrde em qabyldaý ústinde, 45 adam aýrýhanadan shyǵaryldy, 13 adam kóz jumdy. Almatyda - 6, Almaty oblysynda - 3, Ońtústik Qazaqstanda - 3 jáne Qyzylorda oblysynda - 1 adam atalmysh dertten qaıtys bolǵan.

Epıdemııaǵa qarsy sharalar áli de júrgizilip jatyr.