Almaty oblysynda menıngıt juqtyrdy degen aqparat jalǵan - densaýlyq saqtaý basqarmasy
«14 maýsym kúni Densaýlyq saqtaý mınıstrliginiń saıtynda Almaty oblysynda taǵy bir menıngokokk ınfektsııanyń anyqtalǵany jóninde aqparat jarııalanǵan bolatyn. Bul aqparatty rastamaımyz. Sebebi, ótken táýlikte oblys boıynsha atalǵan dert eshkimnen anyqtalǵan joq. Bul aqparatty mınıstrlik bizdiń oblystyq basqarmadan emes, basqa jerden alǵan. Biraq málimet durys berilmegen. Sol sebepti osy aqparat shyǵyp ketti. Bizdiń oblysta barlyq jaǵdaı qatań baqylaýda», - dep málim etti oblystyq densaýlyq saqtaý basqarmasynyń baspasóz qyzmeti.
Vedomstvonyń aıtýynsha, qazir óńir boıynsha menıngokokk ınfektsııasynan emdelip jatqan 3 adam bar. Olardyń emdik sharalary jalǵasýda. Jaǵdaılary jaqsy. Bul 3 naýqas kelesi aptada aýrýhanadan shyǵarylady dep kútilýde.
