Almaty oblysynda memlekettik satyp alýda 600-ge jýyq zań buzý faktisi tirkelgen
Jıyn barysynda Almaty oblysy boıynsha Ekonomıkalyq tergeý departamentiniń asa mańyzdy ister jónindegi aǵa jedel ýákili Adaı Nıgmatýllın derekti fılm kórsete otyryp, uıymdasqan qylmystyq toptyń 1 mlrd teńgeden astam somany qolma qol qarjyǵa aınaldyrǵanyn jáne mundaı jaǵdaılardyń ekonomıkaǵa qanshalyqty zııan keltiretinin túsindirip ótti.
Onyń aıtýynsha, óńir aýmaǵynda ekinshi deńgeıli bankterdiń 14 fılıaly tirkelgen. «Biz oblys boıynsha monıtorıng júrgizip, birqatar zańbuzýshylyqtardy anyqtadyq. 2019 jylǵy taldaý nátıjeleri boıynsha qarjy qarajatyn qolma-qol aqshaǵa aınaldyrýda kóshbasshy bolyp tabylatyn «batyr» bankter anyqtaldy. Búgingi kúni qazaqstandyq bankterdiń kópshiligi «óz klıentińdi bil» atty Bazel komıtetiniń jáne FATF tobynyń usynystaryn ustanbaıdy. Osy usynymdarǵa sáıkes árbir bank óz klıentterine qatysty táýekelderdi basqarý júıesin paıdalanýy tıis jáne eger olar qylmystyq nemese Zańǵa qaıshy áreketpen aınalyssa, onda olardyń shottaryn buǵattaýy tıis», - deıdi aǵa jedel ýákil.
Almaty oblysy boıynsha Memlekettik kirister departamentiniń EBM basshysy M. Ábdenovtiń aıtýynsha, eń krımınogendik sala - memlekettik satyp alý. Memlekettik kirister organdary júrgizgen saraptamaǵa qaraǵanda, oryndalǵan jumystar men qyzmetter úshin esep aıyrysý kezinde olar qolma-qol qarjylaı protsesterdi paıdalanatyny anyqtaldy. Kameraldyq baqylaý baǵyty boıynsha memlekettik satyp alýǵa qatysýshylarǵa baılanysty 2019 jyly 559 zań buzý deregi tirkeldi. Jedel áreket etý nátıjesinde zańbuzýshylardan 2 178,8 mln teńge óndirilgen.
Otyrys sońynda qatysýshylar pikir almasa otyryp, barlyq ýákiletti organdar qylmystyq jolmen tabylǵan kiristerdi qolma-qol aqshaǵa aınaldyratyn jáne zańdastyrýǵa talpynǵan jaǵdaılar boıynsha árqashan aqparat almasyp, qylmystardyń aldyn alýǵa, anyqtaýǵa jáne memlekettik saıasatty júzege asyrýda birlese otyryp sheshýi kerek degen qorytyndyǵa keldi.
