Almaty oblysynda Konstıtýtsııa kúni qarsańynda 60 otbasy baspanaly boldy

TALDYQORǴAN. QazAqparat- Konstıtýtsııa kúni qarsańynda Eńbekshiqazaq aýdanynda turǵyn úı kezeginde turǵan azamattarǵa 60 jaldamaly páter berildi, dep habarlaıdy QazAqparat tilshisi.

Búgingi kúni 24 otbasy kiltterine ıe bolsa, qalǵandary jaqyn arada komıssııaǵa tapsyrylatyn bolady.

Esik qalasynyń 4-shaǵyn yqshamaýdanyndaǵy ornalasqan kópqabatty úılerdiń kiltterin aýdan basshysy Qýanyshbek Kashkınbaev tabys etti.

Búgingi tańda kópbalaly otbasylar, az qamtylǵan otbasylar jáne jetim balalar qonys toıyn toılaýda.

Bul páterler aýdan ákimdiginiń jospary boıynsha boı kótergen. Páterlerdiń qurylysyna memlekettik bıýdjetten 709 mıllıon teńge bólindi.

Kóp qabatty úıdiń mańynda 3 mektep, aýdandyq aýrýhana, polıtsııa bólimi, halyqqa qyzmet kórsetý ortalyǵy (HQO) jáne basqa da memlekettik mekemeler jaqyn ornalasqan.

«Aýdanda kóp balaly otbasylar sanatynan, jetim balalardan, ata-anasynyń qamqorlyǵynsyz qalǵan balalardan, halyqtyń áleýmettik osal toptarynan, turǵyn úıi apattyq dep tanylǵan azamattardan, memlekettik qyzmetkerlerden, bıýdjettik uıymdardyń qyzmetkerlerinen bastap turǵyn úı kezeginde 2581 adam bar.

Búgingi tańda 30 kópqabatty eki turǵyn úı salynýda. Aldaǵy jyldary 180 otbasyǵa arnalǵan 3 úı salý josparlanyp otyr», - dedi aýdan ákimi Qýanyshbek Kashkynbaev.