Almaty oblysynda qaraquıryqty atqan qoryqshy ustaldy
Almaty oblystyq Polıtsııa departamenti baspasóz qyzmetiniń málimetinshe, arnaıy operatsııa barysynda zańsyz ań aýlaǵan, sondaı-aq qarý men oq-dári saqtaǵan «K» esimdi Ulttyq tabıǵı saıabaqtyń memlekettik ınspektoryn ustady. Tintý barysynda polıtsııa qyzmetkerleri azamattan Qyzyl kitapqa engizilgen qaraquıryqtyń etin jáne tirkelmegen oǵy bar oıyq uńǵyly eki myltyqty tárkiledi.
«Ustalǵan qoryqshy bekitilip berilgen alqaptarda tabıǵatty qorǵaýǵa, ań aýlaý erejelerin buzýǵa jol berýge tıis bolatyn. Alaıda, ol Ulttyq saıabaqtyń aýmaǵyndaǵy erekshe qorǵalatyn aımaqta ań atyp alǵan. Jedel ýákilder qadaǵalaý júrgizip, onyń barlyq zańsyz áreketterin dáleldedi», - dedi Almaty oblysy PD Tergeý basqarmasynyń aǵa tergeýshisi Ernar Qaltaev.
Atalǵan derek QR QK-niń 337-baby 4-bóliginiń 1, 2, 3-tarmaǵymen, 287-babynyń 3-bóligimen tirkeldi sotqa deıingi tergeýdiń biryńǵaı tizilimge tirkeldi. Kúdikti ýaqytsha ustaý oqshaýlaǵyshyna qamalyp, sot-bıologııalyq saraptama taǵaıyndaldy.