Almaty oblysynda iri kólemde marıhýana tárkilendi

TALDYQORǴAN. QazAqparat - Almaty oblysynda dıstrýktıvti dinı aǵymyn ustanýshydan 20 qap marıhýana tárkilendi, dep habarlaıdy QazAqparat tilshisi.

Almaty oblystyq polıtsııa departamenti ekstrımızmge qarsy kúres basqarmasynyń, jáne Ulttyq qaýipsizdik komıteti qyzmetkerleriniń birlesken operatsııasy barysynda 49 jastaǵy Alakól aýdanynyń turǵyny ustaldy. Tekserý barysynda úıinen jalpy salmaǵy 17 keliden asatyn 20 qap esirtki tabyldy.

Almaty oblystyq polıtsııa departamenti baspasóz qyzmetiniń málimetinshe, qazir bul fakti boıynsha Qazaqstan Respýblıkasy Qylmystyq Kodeksiniń 296 baby, 4 bóligi,ıaǵnı zańsyz esirtki saqtaý, óńdeý tasymaldaý boıynsha qylmystyq is qozǵalyp, kúdikti ýaqytsha ustaý ızolıatoryna qamaýǵa alyndy.