Almaty oblysynda iri kólemde esirtki saqtaǵan azamat ustaldy
Almaty oblystyq Polıtsııa Departamenti baspasóz qyzmetiniń málimetinshe, kúdiktige asa iri mólsherde esirtki zattaryn ótkizý jáne saqtaý boıynsha aıyp taǵyldy.
Talǵar aýdanyndaǵy aýyldardyń birinde Almaty oblysy Esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalaryn júrgizý kezinde 54 jastaǵy S. atty azamattan salmaǵy 54.65 gramm «gashısh» esirtki zaty dep tanylǵan zat satyp alyndy. Atalǵan fakti QR QK-niń 297-baby 1-bóligi «esirtki zattaryn iri mólsherde zańsyz ótkizý»boıynsha SDTBT-de tirkeldi.
Qylmystyq is boıynsha sotqa deıingi tergeý barysynda, turǵylyqty jerin tintý kezinde kúdikti óz erkimen ózine tán ıisi bar ósimdik tektes jasyl tústi usaqtalǵan zaty bar 4 polıetılen paket berdi.
Budan basqa, «Archıbald» qyzmettik-izdestirý ıtiniń kómegimen negizgi ǵımaratqa japsarlas qurylystardan jedel ýákilder uqsas zaty bar eki plastmassa bóshkelerdi tapty. Saraptama qorytyndysyna sáıkes, tárkilengen zat esirtki bolyp tabylady. Marıhýananyń jalpy salmaǵy 2 kg.385 gramm.
Atalǵan fakti QR QK 296-baby 4-bóligi boıynsha SDTBT-de tirkeldi. «Esirtki, psıhotroptyq zattardy, sol tektesterdi ótkizý maqsatynsyz asa iri mólsherde zańsyz daıyndaý, qaıta óńdeý, satyp alý, saqtaý, tasymaldaý». Osy atalǵan baptyń sanktsııasy úsh jyldan jeti jylǵa deıingi merzimge bas bostandyǵynan aıyrylady.
